Programa Ler conta moito 2022 Antía Yáñez “AS RESCATADORAS (Rescate na biblioteca II)”

Por 14 Outubro, 2022 Novas

Con motivo da celebración do día das Bibliotecas o Concello de Rodeiro organiza unha actividade cultural o vindeiro día 21 de outubro ás 17:00 horas no Centro Cultural Manuel Lamazares. Antía Yáñez  levará a cabo un xogo de pistas  baixo o título “As rescatadoras (Rescate na biblioteca II)”. Da man de Antía xogaremos na biblioteca con pistas: nel, a rapazada descubrirá a súa biblioteca desde unha nova perspectiva. As escritoras, as ilustradoras, as personaxes dos libros…As protagonistas, á fin e ao cabo. Elas serán as que lles axudarán a seguir as pistas de forma correcta para chegar á solución do enigma.

Esta actividade forma parte do Programa Ler conta moito 2022, organizado polo Concello de Rodeiro e a Consellería de Cultura, Educación, Formación Profesional e Universidade da Xunta de Galicia.