O Concello de Rodeiro organiza unha nova actividade cultural a cargo do mago Dani Polo o vindeiro venres 22 de xullo ás 20:00 horas no Centro Cultural Municipal. Presenta o seu espectáculo “Enmagiarte”, creado coa intención de enganchar ao mundo do ilusionismo a todos os espectadores. Fai que o público se sinta protagonista dos diferentes números nos que requerirá a súa participación como improvisados axudantes.
Esta actividade forma parte do Programa Cultura no camiño 2016, organizado polo Concello de Rodeiro e a Agadic (Axencia Galega das Industrias Culturais) da Consellería de Cultura, Educación e Ordenación Universitaria da Xunta de Galicia.
