Con motivo da recente apertura ao público das instalacións da piscina municipal de Rodeiro, o Concello oferta aos veciños e usuarios da instalación, como en edicións anteriores, uns cursos de aprendizaxe e perfeccionamento do deporte da natación. As clases serán impartidas polo monitor deportivo municipal, sendo as principais características da actividade as seguintes:
- As actividades desenvolveranse entre os días 15 de xullo e 12 de agosto, ambos inclusive, nas instalacións da piscina municipal de Rodeiro.
- As clases impartiranse os luns, mércores e venres de cada semana, sempre que as condicións meteorolóxicas o permitan, en horario de 12:00 a 14:00 horas, e terán unha duración dunha hora diaria.
- Establécense tres grupos de idade: entre 5 e 9 anos, ambos inclusive; de 10 a 18 anos, ambos inclusive; e maiores de 18 anos.
- As inscricións da actividade realizaranse no ximnasio ou na piscina municipal de Rodeiro. O prazo permanecerá aberto durante todo o período de realización das clases.
- Cada inscrito deberá cubrir unha folla de inscrición e aboar o correspondente prezo público, a través de ingreso bancario.
- Para o abono do prezo público estarase ao disposto na Ordenanza reguladora do prezo público pola prestación de servizos e actividades educativas do Concello de Rodeiro en vigor (BOP núm. 194, do 07.10.10).
