Dende a Concello de Rodeiro poñemos en marcha unha campaña de sensibilización dirixida a toda a poboación de cara a concienciar e loitar contra a lacra da violencia de xénero.
Para o deseño da campaña usouse o cartel gañador da XII edición do concurso de “Carteis Igualitarios”, realizado pola Asociación de Mulleres “Terras de Camba”. O seu contido céntrase nunha mensaxe en positivo na que a muller é a protagonista do seu propio cambio e do seu futuro. Fixa tamén a atención na importancia de protexer ás crianzas das situación de violencia.
A cartelería da campaña distribuirase polos diferentes espazos públicos do concello, así coma se achegará a establecementos, comercio local, asociacións, etc. de cara a visibilizar e recordar que a violencia contra as mulleres é un grave problema da nosa sociedade e que como comunidade amosamos todo o noso apoio, axuda e recoñecemento ás vítimas.
