A Deputación de Pontevedra oferta, novamente, os Campamentos Polideportivos “Príncipe Felipe”, co obxecto de promover e fomentar o desenvolvemento persoal e social dos rapaces/as que favoreza á vez a comunicación e o dinamismo multicultural entre eles; un proxecto lúdico e educativo que inclúe a programación e o desenvolvemento de actividades relacionadas coa natureza, deportes ao aire libre, xogos e calquera outra que contribúa a ese obxectivo. As datas nas que se desenvolverán son as seguintes:
- Primeira quenda: do 6 ao 11 de xullo
- Segunda quenda: do 13 ao 18 de xullo
- Terceira quenda: do 20 ao 25 de xullo
- Cuarta quenda: do 3 ao 8 de agosto
- Quinta quenda: do 10 ao 15 de agosto
- Sexta quenda: do 17 ao 22 de agostoEntre as actividades que se realizarán están saídas: ao medio natural, tiro con arco, parque multiaventura, deportes en equipo, actividades acuáticas, obradoiros…
Estes campamentos diríxense a rapazas e rapaces nacidos entre os anos 2001 e 2008, ambos os dous incluídos.
O prezo da actividade é de 125 € por neno/a. O lugar de realización serán as instalacións do Centro Príncipe Felipe en Pontevedra.
Para máis información e tramitación das solicitudes poden acudir ao Servizo de Educación Familiar antes do vindeiro 1 de abril de 2015.
Ligazóns recomendadas
