O Concello de Rodeiro organiza unha actividade cultural o vindeiro día 20 de abril ás 11:30 horas no Centro Cultural Municipal. Yolanda Castaño levará a cabo un espectáculo baixo o título de “Espectáculo poético. Recital multimedia”. Un dos rostros máis coñecidos da poesía galega presenta un novo e atractivo xeito de comunicar os seus versos, facéndonos dialogar coa linguaxe audiovisual e as novas tecnoloxías. Unha moderna posta en escena, un recitado de textos acompañado de proxección de breves videopoemas e bases musicais. Esta actividade forma parte do Programa Ler conta moito 2016, organizado polo Concello de Rodeiro e a Consellería de Cultura, Educación e Ordenación Universitaria da Xunta de Galicia.
