¿A onde vai o lixo que deixamos no contedor?
Esta pregunta podémola resolver visitando as instalacións da Sociedade Galega de Medio Ambiente, que é onde se xestiona unha parte do lixo que se xera no noso Concello.
Concretamente, ás instalacións de Sogama van os residuos do contedor amarelo e os residuos do contedor xenérico. Alí, ambos son xestionados e tratados separadamente.
O próximo 18 de xuño teredes a ocasión de visitar as instalacións de SOGAMA e coñecer de primeira man como se xestiona o lixo que se xera nos nosos fogares.
A inscrición nesta actividade pódese realizar por 3 vías:
– No rexistro do Concello
– Por correo electrónico: medioambiente@rodeiro.gal
– Por teléfono: 986790009 (Preguntar por Yolanda)
O prazo de inscrición está aberto ata o día 10 de xuño.
Na actividade poden participar os maiores de 16 anos e o número de inscricións está limitado a 45 prazas.
A saída de Rodeiro será as 9:30 da Avenida Gumersindo Areán e a chegada será aproximadamente ás 19:30.
A actividade será gratuíta (O xantar de mediodía correrá a cargo dos participantes).
Recórdase aos interesados en participar, que por motivos de seguridade, durante a visita non se poderá calzar calzado aberto, chanclas, etc nin vestir pantalón e saia curta.
