O vindeiro venres 21 de xuño, ás 21 horas na Casa da Cultura celebrarase unha reunión dirixida a aquelas persoas interesadas en obter o título de ESO a través das probas libres que se celebrarán en setembro.
Esta aula de traballo está especialmente dirixida a aqueles mozos e mozas maiores de 18 anos que abandonasen os estudos sen ter o graduado en ESO.
Así mesmo, esta convocatoria de setembro terá un especial interese para aquelas persoas que teñen pendente só algún ámbito de coñecemento, dado que co próximo cambio na lei de educación, é posible que se produzan tamén modificacións no sistema de probas libres en vindeiras convocatorias.
O grupo de traballo será reducido, con un máximo de 10 participantes. O horario das clases será negociado entre o grupo, podendo establecerse en turnos de maña ou tarde, segundo as necesidades dos participantes.
Custe da actividade: 20 € mensuais.
Para máis información contactar con Ana, educadora familiar. Tfno: 986790185, e-mail: educadora@rodeiro.gal
