O Concello de Rodeiro organiza unha actividade cultural o vindeiro día 7 de xullo ás 20:00 horas na Praza do Parque. O mago Charly Braun, Carlos Romero Mora, realizará un taller de maxia. O artista andaluz nacido en Isla Cristina, Huelva, mistura a maxia, o humor e a animación nos seus atrevidos espectáculos para que sexa un cóctel inesquecible para todos os que queiran desfrutar da súa compaña. Impregnará este taller de maxia e humor en cada situación, mostrando aos participantes como un mago persigue os seus sonos ata conseguilos. Trátase dunha actividade teatral e dinámica, chea de sketches nos que os espectadores formarán parte activa no desenrolo da mesma, participando dos alucinantes trucos de maxia. Neste taller os asistentes aprenderán a facer xogos máxicos con cousas cotiás.
Esta actividade forma parte do Programa Ler conta moito 2023, organizado polo Concello de Rodeiro e a Consellería de Cultura, Educación, Formación Profesional e Universidade da Xunta de Galicia.
