O proxecto socioeducativo Traballando Novas Masculinidades ten o obxectivo de contribuír á promoción dunha cidadanía responsable e comprometida coa equidade de xénero, que permita, especialmente aos homes, ser conscientes da necesidade da súa implicación na construción da igualdade.
Esta iniciativa finánciase con cargo aos créditos recibidos do Ministerio de Igualdade, Secretaría de Estado de Igualdade e contra a violencia de xénero, ao abeiro das medidas recollidas no Pacto de Estado contra a violencia de xénero.
O obradoiro está dirixido aos homes da nosa comunidade e desenvolverase ao longo de 4 sesións, os venres 28 de maio e 4,11 e 18 de xuño en horario de tarde. Noelia Rodríguez Álvarez, educadora social experta en igualdade, será a responsable do seu desenvolvemento.
Para participar é preciso insribirse previamente no Servizo de Educación Familiar. O prazo remata o vindeiro venres 14 de maio.
Teléfono de contacto: 986790009
e-mail: educadora@rodeiro.gal
