O vindeiro venres 5 de marzo ás 17:00 terá lugar na Casa da Cultura a ponencia sobre “O papel das mulleres rurais a través do seu traballo”, a invitada experta será dona Rosa Arcos Caamaño, presidente de FADEMUR Galicia.
Este ano o Concello de Rodeiro quere centrar os actos de celebración do 8 de marzo, Día Internacional da Muller, no recoñecemento e visibilización do traballo da muller no rural, na análise da importancia dese traballo, nas funcións que desenvolven e nos problemas que aínda sofren na actualidade.
