O Concello de Rodeiro pon en marcha de novo este programa dirixido á rapazada e mocidade con idades comprendidas entre os 3 e os 16 anos e empadroados no noso concello.
Este programa está cofinanciado pola Consellería de Política Social e Igualdade da Xunta de Galicia a través de fondos do Plan Corresponsables do Ministerio de Igualdade.
O seu principal obxectivo é ofertar un recurso de conciliación durante todo o período non lectivo de verán para unidades familiares con menores de entre 3 e 16 anos. Desta forma foméntase a corresponsabilidade entre homes e mulleres por medio de facilitar a unhas e outros a conciliación dos seus tempos persoais, familiares e laborais, ademais de proporcionar nos tempos de vacacións dos menores unha oferta de actividades lúdicas pero tamén educativas e inclusivas.
As actividades darán comezo o 25 de xuño e estenderanse ata o 10 de setembro de luns a venres non festivos.
Horario: 08:30h. a 14:30h. nunha aula do CPI de Rodeiro.
Ábrese prazo de inscripción dende o día 3 ata o 19 de xuño, incluído. Rematado este prazo, de quedar prazas libres, poderanse seguir inscribindo menores ata completar as prazas existentes.
Establécense un límite de 45 prazas para cada día de actividade. De existir máis solicitudes que prazas, os criterios de admisión serán os seguintes: terán prioridade en 1º lugar as familias monoparentais, unidades familiares con vítimas de violencia de xénero e de outras formas de violencia contra a muller, unidades familiares con mulleres maiores de 45 anos, en situación de desemprego de longa duración e unidades familiares nas que existan outras cargas familiares a maiores do coidado das crianzas. En 2º lugar terán prioridade as unidades familiares nas que ambos proxenitores traballen, ordenados de menor a maior renda e a continuación o resto de unidades familiares que presenten solicitude ordenados de menor a maior renda.
As actividades serán gratuítas.
Aqueles menores que xa participaron no programa Concilia só terán que presentar a solicitude debidamente cumplimentada e a documentación complementaria que non conste no seu expediente e que así se lle requira.
Infórmase ademais de que se programan actividades tamén de tarde para os meses de xullo e agosto que se concretarán nas vindeiras semanas.
Para recibir máis información das condicións do servizo e realizar a solicitude deberase contactar co servizo de educación familiar. Teléfono: 986790185. Correo electrónico: educadora@rodeiro.gal.
