Rematada a campaña posta en marcha a comezos de decembro, dende o departamento de servizos sociais do Concello de Rodeiro queremos amosar publicamente o noso agradecemento a todas as veciñas e veciños que participastes na mesma, nun 90% mulleres. O voso compromiso e solidariedade coa comunidade fixo posible que chegaramos a repartir 13 agasallos a menores de idade, cubrindo todas as peticións recibidas, e 16 agasallos a persoas maiores, incluídos todos os/as residentes no Fogar Enxebre de Río.
Darvos as grazas tamén de parte das familias e das persoas maiores que recibiron o agasallo con moita ilusión.
