Axudas para a obtención dos permisos de condución clases B e C para a mocidade galega

Por 10 Marzo, 2020 Novas

Axudas para a obtención dos permisos de condución das clases B e C por parte das persoas mozas residentes en Galicia, coa finalidade de mellorar a súa autonomía, mobilidade e a súa empregabilidade.

Contía da axuda

  • 400 € para a obtención do permiso de condución de clase B
  • 650 € para o permiso de clase C

Persoas destinatarias e requisitos

Persoas mozas que cumpran os seguintes requisitos na data de presentación da solicitude:

  1. Ter cumpridos os 18 anos, sen prexuízo da idade mínima para a obtención do permiso de clase C.
  2. Estar empadroadas en Galicia cunha antigüidade mínima dun ano.
  3. Estar inscritas no sistema de Garantía Xuvenil e figurar como beneficiarias no ámbito de Galicia.
  4. Estar matriculadas nunha autoescola de Galicia no momento de presentar a solicitude ou ben ter o/os permiso/s para o/os cales se solicita a axuda con data de expedición entre o 1 de xaneiro de 2020 e a data de presentación da solicitude.

Documentación

Solicitude xunto coa seguinte documentación:

  1. Copia do permiso de condución clase B e/ou clase C, expedido a partir do 1 de xaneiro de 2020, de telo xa na data da solicitude.
  2. Xustificante que acredite estar matriculado/a nunha autoescola no momento de presentar a solicitude, no caso de non estar xa en posesión do/dos permiso/s de conducir obxecto da solicitude. O xustificante deberá indicar a modalidade de permiso/s de condución obxecto da matrícula.

Prazo

Desde o 10 de marzo ata o día 31 de xullo de 2020, salvo que se produza con anterioridade o esgotamento do crédito orzamentario dispoñible.

Máis información

Para recibir máis información sobre este tipo de axudas e a súa tramitación poden dirixirse ao Servizo de Educación Familiar Municipal e no seguinte enlace:

http://xuventude.xunta.es/component/k2/item/18524-orde-de-axudas-para-os-permisos-de-conducion-clases-b-e-c