O Concello de Rodeiro abre o prazo para realizar a solicitude de acceso ao Plan de Alimentos 2019 para aquelas persoas e unidades familiares que cumpran os requisitos de acceso fixados nas Bases Reguladoras para o acceso ao Plan de Alimentos Procedentes do Fondo Español de Garantía Agraria (FEGA), aprobadas en Xunta de Goberno Local a 20 de febreiro de 2013.
Como organización asociada de reparto no programa 2019 de axuda alimentaria do fondo de axuda europea para as persoas máis desfavorecidas (FEAD 2014-2020), dende o Concello repártense ao longo do ano lotes de alimentos a aquelas persoas incluídas no plan.
Beneficiarios/as: aquelas persoas e unidades familiares residentes no Concello de Rodeiro que se atopen nunha situación de precariedade económica e de especial vulnerabilidade e/ou risco de exclusión social, contanto con un informe social favorable para recibir esta axuda.
Requisitos económicos: a unidade familiar non poderá superar mensualmente os seguintes ingresos:
| Membros da unidade familiar | Ingresos máximos |
| 1 | 403,38 € |
| 2 | 467,92 € |
| 3 | 521,70 € |
| 4 | 564,72 € |
| 5 | 607,74 € |
Dos ingresos mensuais totais da unidade familiar serán deducibles os gastos de aluguer ou hipoteca, así coma gastos fixos de electricidade, auga, gas, medicacións, etc.
Solicitudes e prazo de presentación: as solicitudes presentaranse no Rexistro Xeral do Concello e o prazo estará aberto todo o ano.
Información: para recibir máis información sobre este programa e a súa solicitude, poden dirixirse ao Servizo de Educación Familiar (teléfono de contacto 986790185).
