O Concello de Rodeiro pon en marcha este programa dirixido á rapazada e mocidade con idades comprendidas entre os 3 e os 16 anos e empadroados no noso concello.
O seu principal obxectivo é ofertar un recurso de conciliación durante todo o período non lectivo de verán para unidades familiares con menores de entre 3 e 16 anos. Desta forma foméntase a corresponsabilidade entre homes e mulleres por medio de facilitar a unhas e outros a conciliación dos seus tempos persoais, familiares e laborais, ademais de proporcionar nos tempos de vacacións dos menores unha oferta de actividades lúdicas pero tamén educativas e inclusivas.
As actividades darán comezo o 22 de xuño e estenderanse ata o 7 de setembro de luns a venres non festivos.
Horario: 08:30h. a 14:30h. no Centro Cultural Municipal “Manuel Lamazares”.
Ábrese prazo de inscripción dende o día 1 ata o 14 de xuño, incluído. Rematado este prazo, de quedar prazas libres, poderanse seguir inscribindo menores ata o 15 de xullo para participar no programa nos meses de agosto e setembro.
Establécense un límite de 45 prazas para cada mes. De existir máis solicitudes que prazas, os criterios de admisión serán os seguintes: terán prioridade en 1º lugar as familias monoparentais, unidades familiares con vítimas de violencia de xénero e de outras formas de violencia contra a muller, unidades familiares con mulleres maiores de 45 anos, en situación de desemprego de longa duración ou unidades familiares nas que a nai soporte outras cargas familiares a maiores do coidado das crianzas. En 2º lugar terán prioridade as unidades familiares nas que ambos proxenitores traballen, ordenados de menor a maior renda e a continuación o resto de unidades familiares que presenten solicitude ordenados de menor a maior renda.
As actividades serán gratuítas.
Aqueles menores que xa participaron no programa Concilia só terán que presentar a solicitude debidamente cumplimentada e a documentación complementaria que non conste no seu expediente e que así se lle requira.
Infórmase ademais de que se programan actividades gratuítas de tarde para os meses de xullo e agosto que se concretarán nas vindeiras semanas.
Para recibir máis información das condicións do servizo e realizar a solicitude deberase contactar co servizo de educación familiar. Teléfono: 986790185. Correo electrónico: educadora@rodeiro.gal.
