rodeamin - Concello de Rodeiro

Campaña de recollida plástico agrícola: Río, Camba, A Portela, O Salto-San Salvador e Vilela

rodeamin — Thu, 16 Apr 2026 12:05:19 +0000

O Concello de Rodeiro informa da realización dunha nova campaña de recollida de plástico agrícola, co obxectivo de facilitar unha xestión correcta dos residuos procedentes das explotacións.

A recollida inclúe exclusivamente plásticos de silo e de invernadoiro, que deberán depositarse limpos e atados nos puntos habilitados.

Datas

Depósito dos plásticos: días 20 e 21 de abril.
Recollida: día 22 de abril.

Lugares habilitados

Parroquia de Río: Campo da festa
Parroquia de Camba: Campo da festa
Parroquia da A Portela: Campo da festa
O Salto e San Salvador: Campo da festa de San Salvador
Parroquia de Vilela: Campo da festa

Normas importantes

Só se recollen plásticos de silo e de invernadoiro.
Non se recollen garrafas, big bags, cordeis, restos de poda nin ningún outro tipo de residuo.
Non depositar plásticos fóra das datas indicadas.
Lémbrase que non está permitido depositar plástico agrícola nin no contedor verde nin no amarelo.

The post Campaña de recollida plástico agrícola: Río, Camba, A Portela, O Salto-San Salvador e Vilela first appeared on Concello de Rodeiro.

Proceso de regularización migratoria extraordinaria

rodeamin — Wed, 15 Apr 2026 11:31:42 +0000

Dende o Concello de Rodeiro, queremos informar ás veciñas e veciños do noso municipio, do inicio do proceso de regularización migratoria extraordinaria, publicada no BOE do mércores día 15 de abril de 2026.

Garzas a este Real Decreto, procederase a que, todas aquelas persoas inmigrantes, residentes en España e que cumpran os requisitos esixidos; poidan gozar de protección, independentemente da súa orixe ou traxectoria migratoria e pasen a exercer os dereitos fundamentais, en condicións de igualdade, seguridade e dignidade.

É por elo, que queremos transmitir dende o Concello de Rodeiro, que o equipo humano que está ao fronte dos servizos socias comunitarios neste concello; prestarán servizos de información e apoio individualizado, para axudar ás veciñas e veciños, nesta tramitación extraordinaria.

Proceso de regularización migratoria extraordinaria (pdf)

The post Proceso de regularización migratoria extraordinaria first appeared on Concello de Rodeiro.

Campaña de recollida plástico agrícola: Asperelo-Carboentes-Álceme

rodeamin — Fri, 10 Apr 2026 12:02:41 +0000

O Concello de Rodeiro informa da realización dunha nova campaña de recollida de plástico agrícola, co obxectivo de facilitar unha xestión correcta dos residuos procedentes das explotacións.

A recollida inclúe exclusivamente plásticos de silo e de invernadoiro, que deberán depositarse limpos e atados nos puntos habilitados.

Datas

Depósito dos plásticos: días 13 e 14 de abril.
Recollida efectiva: día 15 de abril.

Lugares habilitados

Campo da festa de Asperelo (parroquias de San Paio de Senra e San Martiño de Asperelo).
Campo da festa de Carboentes (parroquias de Arnego e Carboentes).
Campo da festa de Álceme (parroquia de Álceme).

Normas importantes

Só se recollen plásticos de silo e de invernadoiro.
Non se recollen garrafas, big bags, cordeis, restos de poda nin ningún outro tipo de residuo.
Non depositar plásticos fóra das datas indicadas.
Lémbrase que non está permitido depositar plástico agrícola nin no contedor verde nin no amarelo.

The post Campaña de recollida plástico agrícola: Asperelo-Carboentes-Álceme first appeared on Concello de Rodeiro.

Ruta Cambota – Offroad track GPS

rodeamin — Fri, 10 Apr 2026 11:55:05 +0000

Data: Domingo, 26 de abril de 2026

Lugar Rodeiro (Praza do Concello)

A Ruta Cambota é unha proba offroad con seguimento mediante GPS, dirixida a afeccionados ao enduro, trail e quad, que combina deporte, natureza e convivencia.

HORARIO:

08:00h: Verificacions administrativas (entrega de documentación, seguro), entrega de dorsais, detalle participación e almorzo).
09: 00h: Saída das rutas
15: 00 h: Xantar en Casa Sánchez

MODALIDADES E PERCORRIDOS:

Enduro: (nivel medio alto)

Percorrido de aproximadamente 100 km

Discorre polos concellos de Rodeiro, Dozón e Piñor

Trail (nivel medio)

Percorrido de aproximadamente 85 km

Discorre polo Concello de Rodeiro

Quad (nivel medio)

Percorrido de aproximadamente 85 km

Discorre polo Concello de Rodeiro

TODAS AS RUTAS CONTAN CON:

Track GPS
Acompañamento de participantes locais
Asistencia durante o percorrido

XANTAR

Hora: 15:00 h

Lugar: Casa Sánchez

Menú:

Entrante, chuletón tenreira galega, patacas, ensalada, sobremesa, produto lácteo e café

Durante o xantar realizaranse sorteos entre os participantes

Posibilidade de asistir só ao xantar sen participar na ruta

INSCRICIÓN+PAGAMENTO:

Aberto ata o 21 de abril de 2026

A solicitude deberá enviarse ao correo albertelamazares@rodeiro.gal, calquera dúbida poderedes contactar co telefono 654 460 095 (Alberte)

SOLICITUDE RutaCambota (pdf)

The post Ruta Cambota – Offroad track GPS first appeared on Concello de Rodeiro.

Convocatoria de becas e axudas ao estudo do Ministerio de Educación, Formación Profesional e Deportes para o curso 2026/2027 para estudantes que cursen estudos postobrigatorios

rodeamin — Wed, 08 Apr 2026 11:39:35 +0000

Ata o vindeiro o 18 de maio está aberto o prazo para a tramitación das becas xerais do Ministerio de Educación, Formación Profesional e Deportes e do Ministerio de Ciencia, Innovación e Universidades, destinadas a aqueles estudantes de niveis postobrigatorios: formación profesional, bacharelato, ensinanzas artísticas e deportivas, escolas oficiais de idiomas e estudos universitarios, entre outros.
Como é lóxico, neste mes aínda non sabes con certeza que vas a estudar para o curso que ven, pero póñense os estudos máis probables e despois en setembro poderanse cambiar. O importante agora é facer a solicitude.

A tramitación da beca realízase a través de formulario on-line no seguinte enlace:

https://www.becaseducacion.gob.es/portada.html

Nesta web atópase, ademais, toda a información necesaria sobre tipos de becas, contías e requisitos de acceso.
Para recibir máis información, consultar dúbidas ou recibir axuda para a tramitación estamos á vosa disposición no servizo de educación familiar do concello. Contacto: educadora@rodeiro.gal ou no tlf. 986790009.

The post Convocatoria de becas e axudas ao estudo do Ministerio de Educación, Formación Profesional e Deportes para o curso 2026/2027 para estudantes que cursen estudos postobrigatorios first appeared on Concello de Rodeiro.

Bando municipal: xestión da biomasa

rodeamin — Mon, 06 Apr 2026 06:57:07 +0000

O Concello de Rodeiro lembra á veciñanza a obrigatoriedade de manter limpas as parcelas situadas nas faixas secundarias de protección contra incendios, en cumprimento da Lei 3/2007, de prevención e defensa contra os incendios forestais de Galicia.

Prazo límite: 31 de maio de cada ano

Establécese a obrigatoriedade de manter limpa unha franxa de 50 metros perimetral ao redor de:

Solo urbano, de núcleo rural e urbanizable.
Edificacións destinadas a persoas e vivendas illadas.
Urbanizacións, depósitos de lixo, gasolineiras e cámpings.
Parques e instalacións industriais.

Dentro desta franxa de protección non poderá haber piñeiros, eucaliptos nin acacias, e o mato (fentos, toxos, xestas, silvas, carqueixas, entre outros) deberá estar debidamente rozado.

Desde o Concello faise un chamamento á colaboración cidadá para reducir o risco de incendios forestais e contribuír á protección das persoas, das vivendas e do medio natural.

Bando 2026 prevención incendios (pdf)

The post Bando municipal: xestión da biomasa first appeared on Concello de Rodeiro.

Aviso sobre queimas agrícolas e forestais

rodeamin — Thu, 26 Mar 2026 08:23:27 +0000

Comunícase que dende o día 25/03/2026, e ata novo aviso, non está permitida a realización de queimas en terreos agrícolas, forestais ou naqueles situados en zonas de influencia forestal.

A Consellería de Medio Rural da Xunta de Galicia prohibiu as queimas a partir desta data, o que implica que non se concederán novos permisos e que os xa autorizados quedarán suspendidos mentres esta medida permaneza vixente.

Lémbrase á cidadanía a obrigatoriedade de cumprir esta prohibición.

The post Aviso sobre queimas agrícolas e forestais first appeared on Concello de Rodeiro.

Lecer en familia

rodeamin — Wed, 25 Mar 2026 13:20:48 +0000

No día de hoxe foron publicadas as bases reguladoras do programa “Lecer en familia” para o ano 2026.

No seguinte enlace está a información disponible: https://www.depo.gal/gl/web/edepo/-/lecer-en-familia

Adxunto está o díptico informativo e as actividades incluidas.

Diptico Lecer en Familia 2026 (pdf)

Establecementos Lecer en familia Gal 2026 (pdf)

The post Lecer en familia first appeared on Concello de Rodeiro.

Día da Árbore en Rodeiro

rodeamin — Wed, 25 Mar 2026 13:18:15 +0000

O vindeiro venres 27 de marzo, o alumnado do CPI de Rodeiro participará nunha enriquecedora excursión ao Monte Común de Pereira, unha contorna natural de gran valor ambiental e paisaxístico.

Durante esta xornada, os nenos e nenas terán a oportunidade de aprender e conectar coa natureza a través de diversas actividades educativas e participativas: realizarán a plantación de castiñeiros, descubrirán a historia dos Montes en Man Común, achegaranse ao mundo da silvicultura e da botánica, elaborarán macetiñas de acivros e gozarán dunha visita á emblemática Pena do Marco.

Será un día pensado non só para aprender, senón tamén para convivir, compartir e fomentar o respecto polo medio ambiente.

Esta actividade está organizada Concellería de Economía, Educación, Deportes, Xuventude e Sector Primario, en coordinación co CPI de Rodeiro, coa colaboración da Concellería de Servizos Básicos, Medio Ambiente e Emerxencias ademais da participación dos axentes forestais do distrito Deza-Tabeirós-Montes.

Unha xornada especial para sementar futuro

The post Día da Árbore en Rodeiro first appeared on Concello de Rodeiro.

Concilia Rodeiro Semana Santa 2026

rodeamin — Tue, 17 Mar 2026 10:15:03 +0000

O Concello de Rodeiro pon en marcha este programa dirixido á rapazada e mocidade con idades comprendidas entre os 3 e os 16 anos con prioridade para empadroados/as no noso concello.

Será un tempo de entretemento e lecer para pasar as mañás das vacacións escolares de Semana Santa.

O seu principal obxectivo é ofertar un recurso de conciliación durante todo o período non lectivo de vacacións de entroido para unidades familiares con menores de entre 3 e 16 anos. Desta forma foméntase a corresponsabilidade entre homes e mulleres por medio de facilitar a unhas e outros a conciliación dos seus tempos persoais, familiares e laborais, ademais de proporcionar nos tempos de vacacións dos menores unha oferta de actividades lúdicas pero tamén educativas e inclusivas.

As actividades serán os días 30 e 31 de marzo, 1 e 6 de abril de 2026.

Horario: 09:00h. a 14:00h. na aula da 1ª planta do edificio da sindical, onde se desenvolve habitualmente o Concilia.

Ábrese prazo de inscripción dende o día 20 ao 27 de marzo, incluído. Rematado este prazo, de quedar prazas libres, poderanse seguir inscribindo menores ata completar as 20 prazas ofertadas, aínda que non estean empadroados/as.

As actividades cobraranse en base á Ordenanza de servizos e actividades educativas por horas totais de asistencia programadas que se indicarán na folla de inscripción, podendo anotarse por días concretos. Será preciso achegar o xustificante de pago para poder asistir á actividade.

Aqueles menores que xa participaron no programa Concilia só terán que presentar a solicitude debidamente cumplimentada e a documentación complementaria que non conste no seu expediente e que así se lle requira.

Para recibir máis información das condicións do servizo e realizar a solicitude deberase contactar co servizo de educación familiar. Teléfono: 986790185. Correo electrónico: educadora@rodeiro.gal.

Solicitude Concilia SemanaSanta 2026 (pdf)Descarga

The post Concilia Rodeiro Semana Santa 2026 first appeared on Concello de Rodeiro.